იტალიური მოდის ინდუსტრია დიდი ცვლილების წინაშე აღმოჩნდა. იტალიურმა Prada-მ აგრეთვე იტალიური Versace-ს შეძენა გადაწყვიტა, რაშიც მზადაა $1.38 მილიარდი გადაიხადოს და გარიგების შედეგად მაღალი მოდის წამყვან იტალიურ კონგლომერატად იქცეს. მილანური ჯგუფი, რომელსაც დიზაინერი მიუჩია პრადა და მისი ქმარი, პატრიციო ბერტელი მართავენ, გარიგების დასრულებას მიმდინარე წლის მეორე ნახევარში აპირებენ.ეს გარიგება პრადას ოჯახის უბის წიგნაკში ოქროს ასოებით ჩაეწერება, რადგან ის კომპანიის 112-წლიან ისტორიაში ყველაზე დიდი ტრანზაქცია იქნება. Prada-სთან ერთად, გარიგება მნიშვნელოვანია თავად Versace-სთვის, რომელიც ამერიკულ Capri Holdings-ში გატარებული რამდენიმეწლიანი პერიოდის შემდეგ მშობლიურ იტალიას უბრუნდება. საინტერესოა, რომ თავად Capri-მ იტალიურ კომპანიაში $1.8 მილიარდი გადაიხადა, ანუ კომპანიამ, გარკვეულწილად, იზარალა.Versace-ს დამატებით, Prada Group-ი, რომელიც თავად Prada-ს გარდა Miu Miu-ს და Marchesi-ის ბრენდებს ფლობს, ბერნარ არნოს მაღალი მოდის ფრანგული კონგლომერატის, LVMH-ის ღირსეული კონკურენტი გახდება. Prada Group-ის აქტივებს შორის 26 ქარხანას ვხვდებით, რომლებშიც კომპანია 15,200-ზე მეტ თანამშრომელს ასაქმებს. ჯგუფში შემავალი ბრენდების ტანსაცმელი, ფეხსაცმელი, ჩანთები და აქსესუარები მსოფლიოს 70-ზე მეტ ქვეყანაში იყიდება.მნიშვნელოვანია გარემოება, რომ მაღალი მოდის ინდუსტრიაში შემდგარი ეს გარიგება გლობალური ვაჭრობისთვის რთულ დროს შედგა, რაც აშშ-ის პრეზიდენტის, დონალდ ტრამპის მიერ მსოფლიოს წინააღმდეგ გაჩაღებული სავაჭრო ომითაა გამოწვეული. როგორც ჩანს, მაღალი მოდის იტალიურ სახლში ამერიკული ტარიფების საერთოდ არ ეშინიათ, არადა კომპანიის აქციები ჰონგ-კონგის საფონდო ბირჟაზე ივაჭრება.დღეს, Prada-ს საბაზრო კაპიტალიზაცია $15.8 მილიარდია და ამ მაჩვენებლით ის მსოფლიოს ერთ-ერთი უდიდესი კომპანიაა, რომელიც ტანსაცმლის მწარმოებლებს შორის მე-16 ადგილს იკავებს, ფუფუნების საგნების ბაზარზე კი, საერთოდაც, ათეულში შედის. აღნიშნული კომპანია, ისევე, როგორც ფაქტობრივად ყველა სხვა მოდის სახლი მისი დამფუძნებლის, დიზაინერ მარიო პრადას გვარს ატარებს, რომელმაც Prada ჯერ კიდევ 1913 წელს დააფუძნა.

რამდენიმე დღის წინ, მაღალი მოდის გლობალურ ბაზარზე საინტერესო შემთხვევა მოხდა: ბირკინის და კელის ლიმიტირებული ძვირად ღირებული ჩანთებით სახელგანთქმულმა ფრანგულმა Hermes-მა საბაზრო კაპიტალიზაციით მის პირდაპირ კონკურენტს, მაღალი მოდის კონგლომერატ LVMH-ს აჯობა.დონალდ ტრამპის პერსონით და მის მიერ მსოფლიოს წინააღმდეგ გამოცხადებული სატარიფო ომით განპირობებულ რყევებს თუ არ ჩავთვლით, Hermes-ის აქციის ფასი ბოლო წლებში მდგრადად იზრდებოდა, ხოლო ხუთწლიან პერიოდში კომპანიის საბაზრო კაპიტალიზაცია 315%-ით გაიზარდა, ანუ გაოთხმაგდა.პარალელურად ამისა, თუ ბოლო დროინდელ მნიშვნელოვან კლებას არ ჩავთვლით, LVMH-ის აქციების ფასიც იზრდებოდა, მაგრამ რამდენიმე დღის წინ, ბერნარ არნოს კომპანიამ პროგნიზირებულზე ცუდი ფინანსური შედეგები გამოაქვეყნა, რამაც ინვესტორები გაანაწყენა. LVMH-ის აქციები ერთ დღეში დაახლოებით 8%-ით გაუფასურდა, რითაც Hermes-მა იხეირა და მაღალი მოდის იმპერატორის წოდება მოიპოვა, ოღონდ მცირე ხნით. უახლესი მონაცემებით, ფუფუნების საგნების ბაზარზე ლიდერად ჯერაც LVMH რჩება, რომლის საბაზრო კაპიტალიზაცია $297 მილიარდია, როცა Hermes-ის შეფასება $280 მილიარდია.ისე კი, ბოლო თვეებში და კვარტალებში, მაღალი მოდის სექტორში საინტერესო ტენდენციას ვხვდებით, რომელიც, უმეტეწილად, ნეგატიურია. მიმდინარე წლის თებერვალში დაფიქსირებული ლოკალური პიკის შემდეგ, საფონდო ბირჟაზე დალისტული დიდი ოთხეულის, მათ შორის Burberry-ის, LVMH-ის, Christian Dior-ის, და Kering-ის აქციების ფასები საკმაოდ მკვეთრად არის შემცირებული.ყველაზე მეტად, კერძოდ 47%-ითაა შემცირებული ბრიტანული Burberry-ის შეფასება, როცა ფრანგული Kering-ის აქციის ფასმა 36%-ით ილო. შედარებით მცირე, კერძოდ 36%-იანი კლება შეინიშნება Dior-ში, როცა ბერნარ არნოს LVMH-მა ამ პერიოდში საბაზო კაპიტალიზაციის 35%-ზე მეტი დაკარგა. გაცილებით მკვეთრია ის კლება, რომელიც კომპანიებმა გლობალურ საფონდო ბირჟებზე დაფიქსირებული პიკური 2021 წლის შემდეგ განიცადეს.საინტერესოა, რომ ორივე ამ პერიოდში ფრანგულმა Hermes-მა განსხვავებული შედეგი დააფიქსირა. 2025 წლის თებერვლის შემდეგ, მართალია, კომპანიის შეფასება 20%-ითაა შემცირებული, მაგრამ 2021 წლის პიკის შემდეგ, ფრანგულმა ბრენდმა მაინც 36%-იანი ზრდა დადო, რაც მაღალი მოდის ინდუსტრიაში არნახული შედეგია, რომელიც პირდაპირ უკავშირდება Hermes-ის გარშემო ბოლო დროს აგორებულ მოთხოვნას და თავად კომპანიის ბიზნესმოდელს, რომელიც წარმოუდგენელ ექსკლუზიურობას ეფუძნება. ამ ფაქტორების გამო, Hermes-ის ჩანთები და სხვა პროდუქტები ფასს მეორად ბაზარზეც ინარჩუნებენ.მაშ, რა ხდება მოდის სექტორში, ანუ რატომ იზრდება Hermes-ის შეფასება მაშინ, როცა სხვა კომპანიები ფულს კარგავენ? მაღალი მოდის ტრადიციული ბრენდების დაღმასვლა გლობალურად არსებულ ეკონომიკურ მდგომარეობას უკავშირდება. ბოლო წლებში, კაპიტალი ისტორიულად გაძვირდა. იმ დროს, როცა მონატარული პოლიტიკა მკაცრდება, სესხი ძვირდება და ეკონომიკაში ნაკლები თავისუფალი კაპიტალი რჩება, ანუ ადამიანები ნაკლებს ხარჯავენ, მით უმეტეს ძვირად ღირებულ ნივთებზე.ზოგადი ეკონომიკური ფონის გარდა, ძვირად ღირებული ბრენდების საქმიანობაზე გავლენას ის ფაქტორებიც ახდენს, რომლებიც უშუალოდ ამ ინდუსტრიისთვის არის დამახასიათებელი. ეს სფერო ძალიან კონკურენტულია, რაც კომპანიების მხრიდან დიდ მარკეტინგულ დანახარჯებს მოითხოვს. ამ ხარჯებს, მართალია, შედარებით იაფი მუშახელი და წარმოების ხარჯების ოპტიმიზაცია ფარავს, მაგრამ მაშინ, როცა გლობალური მიწოდების ჯაჭვში პრობლემები ჩნდება, კომპანიების ხარჯები გარდაუვალად იზრდება. ბოლო პერიოდში, სწორედ ამ დინამიკას ვხვდებით, რომელსაც უკეთ ის კომპანიები შეხვდნენ, რომელთა პორტფელში ერთბაშად რამდენიმე ბრენდს აერთიანებენ.მაღალი მოდის ბრენდების დაღმასვლას კიდევ ერთი მნიშვნელოვანი ფაქტორი განაპირობებს, რომელიც, არც მეტი, არც ნაკლები - ჩინეთს უკავშირდება. ჩინეთი სიდიდით მსოფლიოს მეორე ეკონომიკაა, ანუ თავად სახელმწიფო მდიდარია, მაგრამ შეძლებული სახელმწიფო არ ნიშნავს, რომ მოქალაქე, რომელიც ამ ქვეყანაში ცხოვრობს, ასევე შეუძლებელია. ჩინეთის შემთხვევაში, ბოლო დეკადების განმავლობაში სწორედ ასე იყო, მაგრამ შემდეგ, ჩინეთის საშუალო ფენა იმდენად გამდიდრდა, რომ გარკვეული ინდუსტრიები ჩამოიკიდა და ფუფუნების საგნების სექტორი, ერთ-ერთი მათგანია.მაღალი მოდის ბრენდები ჩინეთში განსაკუთრებულად უყვართ და მათ საყიდლად ფული არ ენანებათ, მაგრამ ეს სიყვარულს მანამ ვხვდებით, სანამ ჩინელებს ბირკინის ჩანთების საყიდლად საკმარისი ფული აქვთ. გამკაცრებული მონეტარული პოლიტიკის პირობებში ფული ისედაც ძვირდება, რასაც თან ქვეყანაში გაღვივებული უძრავი ქონების კრიზისი ემატება. საბოლოო ჯამში, მდიდარი ჩინელების ფულის დიდი ნაწილი სხვა მიმართულებით იხარჯება, რაც მაღალი მოდის ბრენდების შემოსავალზე და შესაბამისად, აქციების ფასებზე, უარყოფითად აისახება. ბრენდების სამომავლო პროგნოზებს თუ დავუჯერებთ, ამ ტენდენციის შემოტრიალება, ჯერჯერობით, არ არის ნავარაუდევი.

ჩინეთის უმსხვილესი სამთო მომპოვებელი კომპანია Zijin Mining Group-ი ფართოვდება. ამ მიზნით, კორპორაცია ყაზახეთში მდებარე რაიგოროდოკის ოქროს საბადოს ყიდულობს, რომლის სანაცვლოდ $1.2 მილიარდის გადახდას განიხილავს.გარიგება, ჯერჯერობით, დადასტურებული არ არის, მაგრამ მის შესახებ Zijin Mining-მა ინვესტორებს მოახსენა. თუ ტრანზაქცია შედგა, სამთო მომპოვებელი კორპორაციისთვის ეს ბოლო ექვსი წლის ყველაზე დიდი გარიგება იქნება.ცენტრალურ აზიაში მდებარე ეს საბადო, სადაც ყოველწლიურად საშუალოდ 5,500 კილოგრამ ოქროს მოიპოვებენ, აქტიურ სტატუსს კიდევ თექვსმეტი წლის განმავლობაში შეინარჩუნებს.ანალიტიკოსების შეფასებით, ახალი საბადოს შესყიდვით, Zijin Mining-ი იმდენად გაფართოვდება, რომ ყოველწლიურად 100-110 ტონა ოქროს მოპოვებას შეძლებს, ანუ საპროექტო გეგმას შეასრულებს. გარიგების შესახებ ინფორმაციის გასაჯაროების შემდეგ, Zijin Mining-ის აქციების ფასმა 2.5%-ით იკლო.

2023 წლის ივლისში დაფიქსირებული პიკის შემდეგ, მაღალი მოდის ფრანგული გიგანტის, LVMH-ის საბაზრო კაპიტალიზაცია თითქმის 50%-ითაა შემცირებული, ანუ კომპანიამ $240 მილიარდზე მეტი დაკარგა.არადა იყო დრო, როცა LVMH ევროპის უდიდესი კომპანია, მისი დამფუძნებელი ბერნარ არნო კი მსოფლიოს რიგით მეორე უმდიდრესი ადამიანი იყო. დღეს, მილიარდერის ქონებას Bloomberg-ი $147 მილიარდად აფასებს, ანუ ფრანგმა ბიზნესმენმა $62 მილიარდი დაკარგა.მაშ, რა განაპირობებს მაღალი მოდის ტრადიციული ბრენდების დაღმასვლას? პირველ რიგში, ეს ტენდენცია გლობალურად არსებულ ეკონომიკურ მდგომარეობას უკავშირდება. ბოლო წლებში, კაპიტალი ისტორიულად გაძვირდა. იმ დროს, როცა მონატარული პოლიტიკა მკაცრდება, სესხი ძვირდება და ეკონომიკაში ნაკლები თავისუფალი კაპიტალი რჩება, ანუ ადამიანები ნაკლებს ხარჯავენ, მით უმეტეს ძვირად ღირებულ ნივთებზე და პროდუქტები, რომელთაც LVMH აწარმოებს, სწორედ ამ კატეგორიაში შედის.ძვირად ღირებული ბრენდების საქმიანობაზე გავლენას ის ფაქტორებიც ახდენს, რომლებიც უშუალოდ ამ ინდუსტრიისთვის არის დამახასიათებელი. ეს სფერო ძალიან კონკურენტულია, რაც კომპანიების მხრიდან დიდ მარკეტინგულ დანახარჯებს მოითხოვს. ამ ხარჯებს, მართალია, შედარებით იაფი მუშახელი და წარმოების ხარჯების ოპტიმიზაცია ფარავს, მაგრამ მაშინ, როცა გლობალური მიწოდების ჯაჭვში პრობლემები ჩნდება, კომპანიების ხარჯები გარდაუვალად იზრდება. ბოლო პერიოდში, სწორედ ამ დინამიკას ვხვდებით, რომელსაც უკეთ ის კომპანიები შეხვდნენ, რომელთა პორტფელში ერთბაშად რამდენიმე ბრენდს აერთიანებენ.მაღალი მოდის ბრენდების დაღმასვლას კიდევ ერთი მნიშვნელოვანი ფაქტორი განაპირობებს, რომელიც, არც მეტი, არც ნაკლები - ჩინეთს უკავშირდება. ჩინეთი სიდიდით მსოფლიოს მეორე ეკონომიკაა, ანუ თავად სახელმწიფო მდიდარია, მაგრამ შეძლებული სახელმწიფო არ ნიშნავს, რომ მოქალაქე, რომელიც ამ ქვეყანაში ცხოვრობს, ასევე შეძლებლია. ჩინეთის შემთხვევაში, ბოლო დეკადების განმავლობაში სწორედ ასე იყო, მაგრამ შემდეგ, ჩინეთის საშუალო ფენა იმდენად გამდიდრდა, რომ გარკვეული ინდუსტრიები ჩამოიკიდა, მათ შორის ფუფუნების საგნები.მაღალი მოდის ბრენდები ჩინეთში განსაკუთრებულად უყვართ და მათ საყიდლად ფული არ ენანებათ, მაგრამ ეს სიყვარულს მანამ ვხვდებით, სანამ ჩინელებს ბირკინის ჩანთების საყიდლად საკმარისი ფული აქვთ. გამკაცრებული მონეტარული პოლიტიკის პირობებში ფული ისედაც ძვირდება, რასაც თან ქვეყანაში გაღვივებული უძრავი ქონების კრიზისი ემატება. საბოლოო ჯამში, მდიდარი ჩინელების ფულის დიდი ნაწილი სხვა მიმართულებით იხარჯება, რაც მაღალი მოდის ბრენდების შემოსავალზე და შესაბამისად, აქციების ფასებზე, უარყოფითად აისახება.კიდევ ერთი მნიშვნელოვანი მიზეზი, რომელიც საფონდო ბირჟაზე LVMH-ის დაღმასვლას განაპირობებს დონალდ ტრამპის მიერ მსოფლიოს წინააღმდეგ დაწყებული ე.წ. სავაჭრო ომია. გამომდინარე იქიდან, რომ ტარიფებთან დაკავშირებით ვითარება ჯერაც გაურკვეველია, მაგრამ ნათელია, რომ მსოფლიოში იმაზე მკაცრი სატარიფო პოლიტიკა იმოქმედებს, ვიდრე ეს ამ დრომდე იყო, პროდუქცია, სავარაუდოდ, გაძვირდება. შედეგად, ადამიანები, რომლებიც ფუფუნების საგნებზე შემოსავლის დიდ ნაწილს ხარჯავენ ერთგვარი დილემის წინაშე აღმოჩნდებიან.

თუკი კონკრეტული პროდუქტი სოციალური მედიის ტენდენციურ, ანუ მოდურ გვერდზე მოხვდა, კომპანიას, რომელიც ამ პროდუქტს აწარმოებს, ფინანსური წარმატება, ფაქტობრივად, გარანტირებული აქვს.ასეთი რამ ამ დრომდე არაერთხელ გვინახავს და კიდევ ბევრჯერაც ვნახავთ, რადგან ასეთია ადამიანის ბუნება. ამჯერად, ტენდენციური პროდუქტების ჩამონათვალში ჩინური მაღაზიათა ქსელის, Pop Mart-ის სათამაშო Labubu მოხვდა, რომელმაც მის შემოქმედ კომპანიას არნახული კომერციული წარმატება მოუტანა.ბოლო ერთ წელიწადში, კომპანიის საბაზრო კაპიტალიზაცია 540%-ით გაიზარდა, რაც ამ პერიოდში დაფიქსირებული ერთ-ერთი საუკეთესო შედეგია. ეს სათამაშო უშნო ელფის ფორმისაა და ის დალუქულ ყუთებში იყიდება, ანუ ადამიანმა, რომელიც Labubu-ს იყიდის, არ იცის, თუ რომელი სათამაშო ამოუვა. ეს ბიზნესმოდელი, სხვათა შორის, ცოტა ხნის წინ ჩინეთის სახელმწიფო მედიასაშუალება People's Daily-მ გააკრიტიკა და მთავრობას რეგულაციების გამკაცრებისკენ უბიძგა.მოგვიანებით, Pop Mart-ის აქციებზე დაკვირვება მსოფლიოს ერთ-ერთმა უდიდესმა ბანკმა, ამერიკულმა Morgan Stanley-მ შეწყვიტა, რაც ინვესტორებმა უარყოფით სიგნალად შეაფასეს და შედეგად, ბოლო ხუთ დღეში, Pop Mart-ის საბაზრო კაპიტალიზაცია 11%-ით შემცირდა. მოკლევადიანი კლების მიუხედავად, მხოლოდ ბოლო ექვს თვეში კომპანიის აქციები 175%-ითაა გაძვირებული. კომპანიის ერთი აქცია დღეს დაახლოებით $31-ად ივაჭრება, მაგრამ ბანკის პროგნოზით ფასის $38-მდე გაზრდა არის პროგნოზირებული.

Google-ის ახალი აპლიკაციის ტანსაცმლის მოსინჯვა სახლიდან გაუსვლელად, მაღაზიის უსასრულო რიგში დგომის გარეშე შეგიძლიათ. Doppl — სწორედ ასე ჰქვია აპლიკაციას, რომელშიც ადამიანს საკუთარი ციფრული ვერსიის შექმნა და მისთვის ინტერნეტში ნაპოვნი სხვადასხვა ტანსაცმლის მორგება შეუძლია, თანაც წამებში.პროცესი მარტივია: პირველ რიგში, მომხმარებელმა სისტემაში კარგად განათებულ ადგილას გადაღებული სურათი უნდა ატვირთოს, რომელზედაც სრულად გამოჩნდება, ხოლო მოგვიანებით, Doppl-ში ტანსაცმელი დაამატოს, რომლის “მოსინჯვა” სურს, რისთვისაც Instagram-ის, Pinterest-ის ან ნებისმიერი სხვა ვებგვერდის გამოყენება შეუძლია.შემდეგ, ხელოვნური ინტელექტი ამ ორ სურათს გააერთიანებს — რისთვისაც, ჯერ სტანდარტულზე ცოტა მეტი დრო სჭირდება — და მომხმარებელს რეალისტურ სურათს დაუბრუნებს, სადაც ჩანს, უხდება თუ არა მას ესა თუ ის ჩაცმულობა. სურვილის შემთხვევაში, Doppl-ის მომხმარებელს საკუთარი ციფრული ავატარის ამოძრავება და მისი პოზის შეცვლა შეუძლია.Google-ის ახალი ფუნქციონალი ტესტირებას გადის, ანუ ის ჯერაც არასრულყოფილია. როგორც ბეტატესტერები ამბობენ, Doppl-ი ხშირად ურევს ტანსაცმელს და უჭირს გაარჩიოს ადამიანის სხეულების ნაწილი, განსაკუთრებით მაშინ, თუ ერთ სურათზე ადამიანი თხემით ტერფამდე დგას, მეორე სურათზე კი მხოლოდ შარვალი ან ქვედაბოლო არის გამოსახული. ასევე ხშირია სხვა შეცდომები. Doppl-ი ახალი აპლიკაციაა, რომელიც ახლა იხვეწება, შესაბამისად ყველა ეს პრობლემა დროთა განმავლობაში აღმოიფხვრება, რადგან ხელოვნური ინტელექტი, როგორც ცნობილია, ექსპონენტურად ვითარდება.თავად ეს ფუნქციონალი Google-ისთვის ახალი არ არის, რადგან ტანსაცმლის მოსინჯვის ტექნოლოგია ამერიკულმა კომპანიამ რამდენიმე წლის წინ წარმოადგინა. ახლა კი, ეს ფუნქციონალი ცალკე აპლიკაციად გაეშვა, რაც მიგვანიშნებს, რომ ამ მიმართულებით Google-ში დიდი გეგმები აქვთ, მაგრამ ტექნოლოგიის განვითარებას დრო დასჭირდება. Dopple-ის გადმოწერა ამ ეტაპზე მხოლოდ ამერიკის შეერთებულ შტატებში შეიძლება.